ბათუმის აეროპორტიდან ანკარის მიმართულებით პირდაპირი ავიამიმოსვლა დაიწყო

ბათუმის აეროპორტიდან ანკარის მიმართულებით პირდაპირი ავიამიმოსვლა დაიწყო

31 მაისიდან „ანადოლუ ჯეთმა“ და „ბორა ჯეთმა“ ბათუმის საერთაშორისო აეროპორტიდან ერთობლივი ავიარეისების შესრულება დაიწყეს ქალაქ ანკარის მიმართულებით. რეისები კვირაში ორჯერ შესრულდება - ოთხშაბათს და შაბათს ATR72-500 ტიპის ავიახომალდით. „ანადოლუ ჯეთი“ დაბალტარიფიანი ავიაკომპანიაა.

ამ საჰაერო მარშრუტის ამოქმედება კიდევ უფრო გაზრდის ტურისტების ნაკადს აჭარის მიმართულებით, ხოლო ანკარის გავლით, მგზავარებს საშუალება ექნებათ ისეთ ქალაქებს დაუკავშირდნენ საჰაერო გზით, როგორიცაა - სტამბული, კოპენჰაგენი, კიოლნი, სტოკჰოლმი, თეირანი, ბოდრუმი, იზმირი და მრავალი სხვა.