ავიაკომპანია „აეროსვიტმა“ ბათუმის საერთაშორისო აეროპორტის მიმართულებით ფრენა განაახლა.

ზაფხულის სეზონის დადგომასთან ერთად, უკრაინულმა ავიაგადამზიდმა „აეროსვიტმა“ საქართველოს შავი ზღვის სანაპიროზე რეგულარული რეისები განაახლა. 29 აპრილიდან, კიევი-ბათუმის მიმართულებით ფრენა  კვირაში 2-ჯერ შესრულდება, ხოლო ივნისიდან ეს რიცხვი 4-ამდე გაიზრდება.  ბათუმის მიმართულებით უკრაინული ავიაკომპანია ფრენას     E-145 ტიპის თვითმფრინავით შეასრულებს  და ორი გზის ბილეთის ფასი 300 ევროდან დაიწყება. საშუალო ფრენის ხანგრძლივობა 2 საათი და 15 წუთი იქნება.
„აეროსვიტის“ ავიაპარკი 30 თვითმფრინავისგან შედგება და  სხვა უკრაინულ ავიაკომპანიებთან შედარებით, მგზავრებს საერთაშორისო მიმართულებით ყველაზე დიდ არჩევანს სთავაზობს.  პირდაპირი თუ ტრანზიტული რეისებით „აეროსვიტის“  მომხმარებლებს მსოფლიოს 72 მიმართულებით შეუძლიათ ფრენა, მათ შორის ჩინეთის, ინდოეთის, ტაილანდის, კანადის, აშშ-ს, შრილანკისა და ვიტნამის მიმართულებით.
ზაფხულის სეზონის დაწყებასთან ერთად ბათუმის საერთაშორისო აეროპორტში, რეისების გაზრდას არაერთი ავიაკომპანია.