“სიბირი S7“ ავიახაზებმა ბათუმი-მოსკოვის მიმართულებით ავიარეისები განაახლა

31 მაისს, 3 წლიანი პაუზის შემდეგ, ავიაკომპანია „სიბირის” თვიმფრინავი ბათუმის საერთაშორისო აეროპორტში, 14:55 საათზე დაჯდა. ამიერიდან, ყოველ ხუთშაბათს მოსკოვის დომოდედოვოს აეროპორტიდან ფრენები, A319 ტიპის თვითმფრინავით შესრულდება და 2 გზის ბილეთის ფასი 370 ევროდან დაიწყება. პირველმა რეისმა ბათუმში 106 მგზავრი ჩამოიყვანა.

ავიაკომპანია „სიბირი“ ფრენას თბილისისა და ბათუმის მიმართულებით 2003 წლიდან ასრულებდა, თუმცა 2008 წელს ავიაკომპანიამ ბათუმის მიმართულებით რეგულარული რეისები შეაჩერა.

ბათუმში “სიბირის” ფრენების აღდგენასთან დაკავშირებით, შპს. “ბათუმის აეროპორტი” - ს მენეჯერმა, მერთ ქანდიელმა განაცხადა:
„მოხარულები ვართ, რომ სამ წლიანი პაუზის შემდეგ ავიაკომპანია „სიბირი S7“ ბათუმის საერთაშორისო აეროპორტის მიმართულებით რეგულარულ რეისებს, მთელი  ზაფხულის განმავლობაში შეასრულებს. ჩვენ დარწმუნებულები ვართ, რომ საქართველოს მთვარობის მიერ უვიზო რეჟიმის ცალმხრივად გაუქმების შემდეგ, ბათუმში ავიარეისების და რუსეთიდან შემომავალი ტურისტების რიცხვი საგრძნობლად გაიზრდება.“

ავიაკომპანიის რეისების აღდგენასასთან დაკავშირებით, ბათუმის საერთაშირისო აეროპორტში, ერთობლივი საზეიმო ღონისძიება გაიმართა, რომელსაც შპს. „ბათუმის აეროპორტი“ -ს მენეჯერი მერთ ქანდიელი და ავიაკომპაია „სიბირი S7“-ს გენერალური წარმომადგენელი სამხრეთ-დასავლეთ ევროპასა და სამხრეთ-აღმოსავლეთ აზიაში, კირილ ენდოგური, „სიბირი S7“-ს ავიაკომპანიის გენერალური წარმომადგენელი საქართველოში, ზურაბ გუდავაძე და სხვა საპატიო სტუმრები  ესწრებოდნენ.

ზაფხულის განმავლობაში, აქტიური ტურისტული სეზონის დაწყებასთან ერთად, ბათუმის საერთაშორისო აეროპორტში რეისების რაოდენობის მკვეთრი მატებაა მოსალოდნელი. ავიაკომპანია „სიბირი  S7” -ის გარდა ბათუმის მიმართულებით ზაფხულის განმავლობაში,ავიაკომპანიები: ATA Airlines , Pegasus, Armavia  და  OLT Express-სი იფრენენ.